-

Pour bien finir la saint Valentin

Posté par ploumz le fĂ©v 14, 2009 dans Actu, Sexy

« Or y pensez, belle Gantiere
Qui escoliere souliez estre,
Et vous, Blanche la Savetiere,
Or est il temps de vous cognoistre :
Prenez a destre et a senestre,
N’espargniez homme, je vous prie,
Car vielles n’ont ne cours ne estre
Ne que monnoye qu’on descrye.

« Et vous, la gente Saulcissiere,
Qui de dancer estes adestre,
Guillemete la Tappiciere,
Ne mesprenez vers vostre maistre :
Tost vous fauldra clore fenestre ;
Quant deviendrez, vielle, fleterye,
Plus ne servirez q’un viel prestre
Ne que monnoye c’on descrye.

« Jehanneton la Chapperonniere,
Gardez qu’amy ne vous empestre ;
Et Katherine la Bourciere,
N’envoyez plus les hommes paistre,
Car qui belle n’est ne perpestre
Leur male grace mais leur rie,
Laide viellesse amour n’impestre
Ne que monnoye c’on descrye.

« Filles, vueilliez vous entremectre
D’escouter pourquoy pleure et crye :
Pource que je ne me puis mectre
Ne que monnoye c’on descrye.»

Ballade de la belle Heaulmière de François Villon

Mots-clés : , ,

Copyright © 2017 Ploumz All rights reserved. Theme by Laptop Geek.